شنیا عبدالمجید
بانو "شنیا عبدالمجید" (به کُردی: شنیا عەبدولمەجید) شاعر معاصر کُرد، زادهی ۲۴ ژوئن ۱۹۸۶ میلادی در اربیل اقلیم کردستان است.
از او چند کتاب تاکنون منتشر شده است، از جمله:
- رمان در دوزخ عشق کجا بود؟!
- مجموعه شعر زنی در باغچهی اندوه
و...
┄┅═✧❁💠❁✧═┅┄
(۱)
تو را نداشتم، چه باید میکردم؟!
غروبهای سرخ را به غم میسپردم و
ساعات ایتراحتم را به جنگ و
سپیدهدمان و روشنایی را به اشباح مرگ!
تو را نداشتم، چه باید میکردم؟!
نفسهایم یخ میبست و
سینهام پر از دردهای بیپایان فراق میشد.
تو را نداشتم،
باید به فکر دو متر قبر برای خودم میگشتم!
حتا سایهام رنگ مرگ را به خود میگرفت و
پیراهنهای تنم نیز غمآلود میگشتند.
تو را نداشتم، چه باید میکردم؟!
نفسهایم بند میآمد و
بیکس و وامانده میگشتم.
آه بر من در لحظههای بیتو بودن!
آه بر من در لحظههای نداشتنت!
آنگاه که ندارمت
طعم شربتهای بهشتی هم در کامم زهر خواهد شد
آه!
چه از همدیگر دور خواهند شد
خوبخشتی و خوشحالیام
در فراق تو...
آه! چقدر زخم بر میداشتند، رویا و خیالاتم!
برایت سوگند میخورم،
به آن دلقکی شبیهام
که مردم را به خنده میاندازد و
گرچه خودش در امتداد کوچه،
در خفا اشکهایش را پاک میکند.
من بیتو یتیمانه میزیام!
و دل نازکام کودکانه به گریه میافتد.
من بیتو اینچنین غمخانه شدهام.
(۲)
با داشتنت،
اگر در لبهی مرگ هم باشم
باز زندگی برایم لذت بخش است.
تو چنینی!
با بودنت میتوانی
روح پژمردهام را شاداب کنی
آرامشی از برای دل پریشانم،
نفسی برای سینهی پر دردم،
پناهگاهی برای بیکسیهایم،
صدایی برای نگفتههایم،
آری! تو چنینی!
(۳)
با تو،
روزگار کودکیام را به یاد میآورم!
دقیقن همان ایامی، که بیمار میشدم و
همهی خانوادهام میخوابیدند
غیر از مادرم که شب تا صبح بر بالینم مینشست!
آه! خدا مادرم را از من ستاند و
ولی تو را به من بخشید...
از این روست که میگویند:
خدا گر به حکمت ببندد دری،
به رحمت گشاید در دیگری...
نگارش و ترجمهی اشعار:
#زانا_کوردستانی
─━⊰═•••❃❀❃•••═⊱━─
خاتون "شنیا عەبدولمەجید" شاعیری هاوچەرخی کورد له ۲۴ خەرمانانی ۱۹۸۶ زایەنی، له شاڕی جوانی هەوڵیر لە دایک بود.
تائیستایش لەم خاتوونە چەنە کومەلە شیعر و ڕۆمانی بڵاوەوو بووە وەکو:
- ڕۆمانی لەولاتی دوزەخدا کوانی عەشق؟!
- کومەلە شیعری ژنێک لە باخچەی مەراقدا
و...
┄┅═✧❁💠❁✧═┅┄
(۱)
[ناوت هەنجەتی مانەوەمە لەم کەونە هیچەدا]
ئەز تابلۆیێکی پڕ لە برین و... تژی لە بڤەبووم!
خوێن لە باڵایی ژن بوونم چەشنی ڕووباری سور
فوارەی دەکرد
برینم تا ئەوسەری دنیا ڕۆیشتبوو...
باوەڕم وەک ئەفسانەی"نمروود" بوو!
وەلێ دڵڕەقی ئەوان پتر بوو!
من بەهێندەی هەموو توانستەکانم دەجەنگام
وەک مناڵێکی لاسار، بەردەوام هاوارێک لە هەناوما هەبوو،
ئارەزووم دەکرد، دەبەنگێک بم، نەک ئەوەی خەونەکانم بنێژرێن،
زوو زووە سەرم دەخستە کۆشی یادەکانم و... بەکامی دڵ دەگریام،
داستانەکانم پڕ بوون لەناڵەو نامۆیی،
بۆ سەوزی مانەوەو.. درەختی جوانی ژین، تاسەم لێدەڕژا!
شەوانە دەمردم و...
شەو دەبوو بە تابووتێک و.. بۆ خۆی دەبردم!
دەترسام لە شەو، لە تاریکی...
وەک کچۆڵەی چیرۆکی " دەنکە هەنارە " حەسرەتم تروسکایی بوو، بۆ مانەوە...
تەنانەت لە قیژەی دەریا تۆقیبووم
لەناو بێدەنگی خۆم هەڵدەنیشتم،
هەناسەی قووڵم هەڵدەمژی، بەخۆمم دەگوت:
هەناسەی درێژتر هەڵمژە، تکایە سەرکێشی زیاتر....
ژیان جوانەو بمێنەرەوە
ئاهـــ... ئازیزی دڵم،
لە کاتێکدا ئەوان چڵکاوی ژەهریان لە ڕێگەما دەڕشت،
بارانی ڕەشبینیان بۆم دەسازاند،
تۆ لە جوانترین و..بەرزترین شوێندا، لێزانانە وەستایت و نەسڵەمیت،
لە سەوزترین ڕووباردا بۆم چڕایی
ئایی چرایی ڕزگاری بەخشم،
هۆ هەستی خۆشبەختی ژینم،
چەن جوان ڕسکایی...
لەم خاکی وشکەڵانیە، پێم بڵێ:
بەچی هێزێ جەنگایی؟
پیاوەتیتم خۆشدەوێ!
جوانی ئەو مانەوە شیرینەتم، بەقەد هەموو جیهان لا باڵایە
کە تۆ نەبوویت، هەموو ڕۆژەکانم،
وەک ئێوارەیێکی چەماوە بەرەو... تاریکی و شەو
پێنگاڤەکانی دەخستمە ڕێ،
قەدەرم زاڵمانە غەدری لێ دەکردم،
دەزانی من جگە لە ڕۆحێکی ژار، هیچی دیکە شک نابەم،
بۆ نسێ و.. سێبەرت؟
ئەزانم شەکەتە، ماندوویە ئەو دڵەم
لێ هەر ئەوە شکەبەم کەتا ڕۆژی مەحشەر ئێشکچی و..
حەیرانت بێ
ئەوەشت لێ مەعلوم بێ،
لە هەر خاکێک بم، گەر تۆ نەبینم، غەریب ئەمرم!
چاوم لە ڕێگەت، وەک دیاریێکی چکۆلانە
جێ دەهێڵم...
بۆ هەتا ئەبەد دڵم گۆرانی کۆتاییت بۆ ناچڕێ،
دەستم ناچێتە ژەنینی سیمفۆنیایی ماڵئاوا،
ئیدی ئارامی من تۆیی..
لێت پیرۆزبێ ئەو ئارامیە جوانترین چارەنووس لە دنیایی مندا.
هەر بەڕاست، نەیتارێنیت ئەو ئەستێرەیەیی...
کە ناومان ناوە ئومێد!
ناوت، هەنجەتی مانەوەمە لەم کەونە هیچەدا
لێرە هەموو شتەکان بەخێرایی و...
بەبێ تامی ئەڕۆن، جگە لە تامی ناوت نەبێ!
کۆڵانە تاریکەکانی ژینمی باش ڕووناک کردۆتەوە...
"تیشکی چاوت"
بەبێ بوونی "باڵات"
پشت بەهەزاران دیواریشەوە بنێم،
ئاقیبەت هەر دەڕمێم!
(۲)
[وازم لە هەموو شتێک هێنا!]
"بەس تا نەبمە ماڵێک، لە پێش دەرگا بمێنمەوە!"
خەم و مەراقەکانی ئەو، وەک مێش تێم دەئاڵان
کۆتری خەوی لە چاوەکانم دەخستن، تا بانگەڵای بەیانیان
ئەو ڕۆژەمی پێ پەک دەخستم و...
ئەو ڕۆژە، هەمووییم هەر شەو بوون!
تاریک... لە تاریکیدا لە شەو دەچوومەوە.
بێدەنگ: لە بێدەنگیدا... پەنگم دەخواردەوە.
ئەو ڕۆژەم... هەموویی هەر خەوە نوتکە دەیبردمەوە
دەبۆرژام و... ژان، سەرمی ڕادەژەنی
لە ئەشکەوتێکی تەریک و چۆڵ دەچووم
لە ناو خۆمدا، دەنگم دەدایەوە
ترسناک ترسناک بووم
لە خۆمم دەپرسی:
وەک ئەوە وام، لە پرسەی نزیکترینم بم!
ڕەنگە بە هاتنی...
ئەم پرسەیە ببێ بە شایلۆغان!
نهێنیێکی پێ دەوێت، تا نهێنیێ بزانیت!
هەڵهێنانی ئەم تەلیسمە، هێندەیش قورس نیە
کاتێ من بمەوێ لە تاوی خەمی، سەرم هەڵبگرم و...
لە گەڵ هەورەکاندا دەست بە فڕین بکەم
بێ مانایی نیە بە بوون،
کاتێ، تا بلۆگەلێک بیانهەوێ لە چوار چێوەکانیان بێنەدەر:
چیە؟ بە مەحاڵی ئەزانیت؟
دیوار گەلێک هەن، خنکاون و... دەیانهەوێ بڕوخێن!
زەوی سەراپایی بێزارە، لەو بازرگانیەی کە پێی دەکرێت و..
دەیهەوێ ئەم بێ حورمەتیە ڕابگرن،
هەر بە خاتری ئەوەی کە ببێ بە پشتێنەیێکی سەوز،
تا بچێتەوە سەر ڕەچەڵەکی
...
"پیاوە چاو سەوزەکە"!
زەوی خۆی زمانی نیەو لە تاوی... وەگۆ کەوتووە!
ئەی چی منی مرۆڤ، کە بیرکردنەوەمتان بە دڵ نیە،
ئەشێ ببن بە خاوەنی جەستەم؟
دوێشەو، بیرم لەم نادادی چانسە دەکردەوە!
تۆ باسەکە مەهێنەوە سەر دڵنازگیم
" من واز لە هەموو شتێک بێنم، بەس تا نەبمە ماڵێک و...
نەکەومە بەر دەرگا!"
بۆم هەزم ناکرێ ئەم کەمی یە!
یانیش تا ناوم نەخەنە فایلێکی ڕەش و...
نووسینە سپیەکەی سەریشی نەبینن!
ئێرە ئەو مەملەکەتەیە کە دەبێ نەریتە ڕەشەکان بنێژێت و...
دابە سەقەتەکانیان بۆ ئەبەد ڕاست کەینەوە،
یانیش ئاوڕی بۆ نەدەینەوە.
داپیرەم دەیگوت: هاوڕێیەتی مەگۆڕنەوە بە عیشق!
من لام وابوو، لەبەر شڵەژاوی شەرم ئەم وتەیەی پێمان دەگوت!
ئەو درێژەی بە قسەکانی دەداو.. دەیگوت:
لە هاوڕێیەتیدا، ئازادیت پترە لە عیشق!
دەیگوت: عیشق یەکانگیرە لە گەڵ کۆت بوون
دەیگوت: لە عیشقدا، دڵ هێندەی پەپوولەیێ
نازگ دەچێتەوەو...
تەنانەت لەسەر گوڵیش بێ ڕەنگە
...
گیان بسپێرێ!
هێند هەستیارەبێ عاشق، کە ناتوانێ گرەو لە خۆیشی بەرێتەوە!
مناڵ کارانە شەر بە خۆیشی ئەفرۆشێ!
لاسارانە، ئازار دەیخاتە سەما
یاری بەڕۆحی بەلەنگازی دەکا
وەک شووشەیێکی پەرش، ڕۆژانە هەزاران جار، دەڕژێ و...
خۆیی بۆ کۆ ناکرێتەوە!
ئیدی وەرە باهاوڕێ بین!
(۳)
[ناسۆریم لە ئازاری نیشتمان تۆخترە!]
کێ دەڵێ ژان گرتنی ژنێک، لە ئازاری نیشتمان گەرمتر نیە!
ئەو ساتانەی کە خوێنی ژنێک، لە تەپەتسکێوە خەریکی چۆڕان و... ڕژانە، نوزەو... گریانی هەر ئەو ژنە... دەگاتە کەشکەڵانی فەلەک!
مەگەر هەر ژن خۆی تێبگا لەو ڕۆح دەرچوونەی... ئازارە!
هەمووان دەڵێن گوڵاڵە سورە جوانە!
کوڵمی سوری کچە کورد جوانتر...
سێوی لاسورەی قەدپاڵی چیاکان، لە جوانیدا بێ وێنەیە.
لێ ژن لە سور ترساوە!
خوێنی هەموو دەم هەر بەناهەق ڕژاوە!
سڵ کردنێک لە سوور... تا ڕۆژی مەحشەر!
ئەو ڕۆژانەی کە خەریکی باج دانیەتی بێ سوچ و خەتا، بەرانبەرەکەی پێکەنین دەیگرێ بە ئازاری!
چێژ دەبا لە گریانی!
چەن هەزەلییە ئەو قۆشمە چیەی... کە بەدیار سەمای هەڵپەڕینی، مەرگی کوکوختییەک، ڕەشبەڵەکی چەمەرچۆپی هەڵبەستووە!
لەویش هەزەلیتر، ئەو پیاوەیە کە بەدیار ڕژانی خوێنی ئاڵی خوشکەکەیەوە بەناوی پاکبوونەوەی شەڕەف، کۆوەند دەبەستێ!
ئایی ژن، ئازارت چەن قەبەیە!
چەن بێ مەودایە ئەو چۆڕاوگەی خوێنەت!
لە مەینەتدام و... کەچی بیرم لای ئەو ڕۆژانەم جێماوە، کە هەرزەیێکی شەرمن بووم و... لەترسی بەڕێوەبەرە ناپیاوەکەمان چەن دەمژمێرێ زووتر لە وەختی خۆی ڕوومان دەکردە ڕاوێستانگەکەو..
بەرەو شوێنی مەبەست ملی ڕێمان دەنا، تا بەتەنیا شەڕ هەر بەئێمەی ژن نەفرۆشێ... لە کاتێکدا دەستی غیرەتی بەسەر بەژنی... ڕەگەزی خۆی نەدەشکا!
کێ لە ژانی ژن دەگا
...
ژن نەبێ؟
هەمیشە هەر تەیارە ئەو خەمی تاڵە ژانەم
لە ڕاستیدا ئازارمان گەلێک بوو...
جوان بوویتایە، شەڕی دنیات پێ دەفرۆشرا تا بکرێیتە نێچیر!
کە ملیشت نەدایە... ڕکابەری دەکرایت و تا دەیانتوانی هەر بەزیندوویی دەیانکوشتی!
چ ئازایەتیێکە ملکەچ نەبوون؟
بێ ئومێد نەبوون!
دەسەوەسان، چوزانم.....تد
هەر کەباسی خەمی نیشتمان دەکرێ، ئازاری ژنم وەبەرچاودێ...
کە هەرگیز بنکۆڵ ناکرێ!
من یەک دوو ژانێکم کەقووت دابوون، فڕێ دانە دەرەوەو...
هێڵنجم دان
لە هەوڵی قوڕنچکی ترم،
تا بێ زەیینیم وەدەرنێم لە قەپێلکەی سەرم و.. هەندێ لە ژانی منداڵبوونی پڕ ئازارتری ئەو ڕۆژانەم بێنەوە بەر تەماشام و.. نەختێکیتر پێیانەوە بمرم!
ئەرێ هەر بەڕاست، مام عەلی پلە زارێشم بیر نەبوو، کە دوو کیژی خۆی کوشتن ئەوێ ڕۆژێ، چونکو یەکیان میهرەبانانە کوڕێکی عەتار ی، لە قەیسەری هەولێر، خۆشدەویست، ئەویدیش لە ڕێگای فێرگەوە.. کوڕێک چاوی بڕیبوویە جوانی و.. ئەمیش ڕووی پێنەئەدا، کردی بەقوربانی بوختانێ!
ئیدی چۆن تاڵە ژانی ژنێک، لە ئازاری نیشتمان گەرمترو... تۆختر نیە؟
(۴)
" ڕۆژێک تێدەگەیت، کە چەند بە بێدەنگی... ئاگام لێت بووە!"
لە تاریکی سڵم نەکردوو...
بەرەو شەوە دەیجورەکان پەنجەرەی حیکایەتەکانم
بەڕووتا ئاوەڵڵا کرد،
سەربووردەکانم درێژەیان هەیەو..
دەمهەوێ لە وشەی" ئاهــ"
بەدوورم گریت و...
لە وەرزی بارانا، دەستەکانم
بە تەزیوی جێ نەهێڵیت،
"چا " یێکی نەعنا بەیەکەوە بخۆینەوە.
گەرچی سەختە...
زۆریش ئاستەنگ!
نەخۆشێکی نائومێدو...
ساغێکی نەخۆشتر لە نائومێدی،
هەڵپەی سەوداسەری،
ژینێکی جاویدانی و...
ئەوینێکی نەبڕاوە دەکەن،
وەلێ ژیان ئەوەی جوانە، کە هەمیشە
لێوڕێژی هەژەندە!
خودا، خودایی پەرجووەکانەو...
هاکا دڵخۆشی باراندە ڕایەڵەی ڕازەکانمان
دەردم مەکەو.. پەی بە دڵنازگیم بەرە،
کە واز لە قاپەکانم دێنم و...
بیر لە شۆردنیان ناکەمەوە،
سوچی ئەو سروشتە دەم دەمیەتە!
پێت وانەبێ بەم ڕەفتارانەت،
خەڵاتی "نۆبڵ" ئەبەیتەوە!
جگە لە بێدەنگیێکی جەرگبڕی من،
چیتر دەردەست دەخەیت؟
ئا، هەنێ شت هەن لە دەستەکانی
مندا نین، بۆ وێنە:
دەستەکانی تۆ!
بانگم ناکەیت، تا بە تەواوی وجودمەوە بێم،
دەردم دەکەیت!
نازانم بۆ؟
تۆ لەو ئاوە دەچیت،
کە بەدوایی هەر شیرینیێکدا،
بە تاسەوە، دەخورێتەوە...
من ترسم تەنانەت لە خەناوکەکەشمە!
نەبا کە لە ئامێزم دەگریت،
بۆنی تۆ بگرێ و...
لای وان ئاشکرام بکا
...
ملوانکەکەم!
بەڵێن بێ پەرتەوازەییت کۆکەمەوە،
وەک پاشماوەی گسکدانێکم.
(۵)
* ئاسودەگی جۆری هەیە:
بەڵام تۆ... هەمووانیت
لەم ئاڵۆزیەی ژیاندا
بیرم نایە چرکەیەک مێشک و دڵم
لە تۆ بێ ئاگا کرد بێ...
دەست و بردی زۆرم دەکرد،
تا بە نیوەناچڵی ئەم ماڵە پڕ لە ئەوینەمان،
جێ نەهێڵین!
نازانی چەندە لە خەمی، بێ یەکبوونمان بووم!
لێم ڕوون بوو، دوای تۆ...
دەبمە ژنێکی کەم ئەندام!
لە جەستە نااااا،
وەلێ لە ڕۆح
دەتزانی من لە ئازار ناترسم و... دەمێکە خەم پێم وێراوە
تاکە شتێ کەپێی ڕانایەم،
بێ تۆییە!
ددانی پیادەنێم،
چون تۆ نیوە تەواو کارەکەمیت
تا نەهاتیتە گۆ
دڵم، لە مشتما بوو، لە خۆمم دەپرسی:
تۆ بڵێی لەمن بگەڕێت؟
پشتگوێ خستن، ناڵێم
گەڕان بەشوێنما ئەڵێم جانم
بە هەبوونت...
ئەگەر لە لێواری مەرگیشدابم،
هەر بۆم دەلوێ،
کە جوانترین هەست بژەنم!
تۆ وایت! بە هەبوونت دەتتوانی
ڕۆحی ژاکاوم سەرلەنوێ، ببووژێنیتەوە،
ئۆخژنیت بۆ دڵی زارم
هەناسەیت بۆ سینەی ژانم
پەناگەیت بۆ بێکەسیم
دوانگەیت بۆ بێدەنگیم
تۆ وایت.
لە گەڵ تۆدا...
منداڵیم بیر دێتەوە!
ڕێک ئەو ڕۆژانەی کە نەخۆش دەبووم و..
هەموویان دەخەوتن، جگە لە دایکم نەبێ!
خودا دایکمی بردەوە...
وەلێ تۆی پێ بەخشیم!
هەر ئەوەیە کە دەڵێن:
خودا ئەگەر دەرگایەکت بەسەر داخا،
هەزارانت بەڕوودا ئاوەڵا دەکا
هەمووان دەیانگوت:
چای سارد، گەرم ناکرێتەوەو... دەڕژێ!
من دەمزانی چاکەی من،
هیچ کاتێ نەسارد دەبێتەوەو... نەدەشکرێ بیڕێژم،
چون من لە خوێنیا بووم.
بەخۆڕایی نەبوو ئەو جەنگەم بۆت هەڵگیرساند!
دەمزانی شایستەیت،
بۆیە دنیام هەژاند
نەبوونیتم پێ هەزم ناکرێ و
بەرگەی ناگرم!
چرکەیەکم بە نزیککراوەیی...
سەدەیەکە!
ئۆی من ئەو ڕۆژانەم چەندە خراپ بەڕێ کردن،
کە تۆ لەسەفەردا لێم بەجێمایت!
هێندە مەدهۆش بووم،
تەنانەت پاپووجەکەیشم بەرەواژ لەپێ دەکرد!
هۆشم لە وێ بوو...
هۆش لەکەللەیی سەرما، فڕی بوو!
ئاخر من هیچی تۆم لا نەبوو،
تا وەک موفەڕکێ دەهامێزی بگرم و...
بۆن و یادی تۆوەی پێوە بکەم،
تا دڵم ئەهوەن بێ!
لەو غەریبیە خەریک بوو باڵم دەگرت
لە هیچ پەسێوێ، تۆتکەم نە ئەگرت
وەک شاعیر گوتەنی:
" کە ئەو بۆ سەفەر چوو
ئەمن بۆ سەقەر چووم! "
ناکرێ لە ڕابوردوودا جێ بمێنین،
دەنا پێم دەوتی کە من چیم چەشت،
لە تاوی ناوت!
ئێستا کە خۆر هەڵدێ...
هەر بەڕاستی لێم هەڵدێ!
لە دڵەوە ئاسودەم، ڕێک وەک ئەو ڕۆژانەی...
کە نوێژی بەیانیم نەچووە!
وێنەکانت سەبووریم نادەن،
من بیری دەنگت ئەکەم!
هەموو بەیانییەک
حەزەکەم وەک بانگبێژێ،
دەنگت بڕژێتە نێو ڕۆژەکانم!
تا ڕەنگڕێژی بکەیت تاڵییەکانم،
کە وێنەکەت دەبینم،
حەز دەکەم کات بوەستێنم و...
خۆم فەناکەم لە تۆدا!
لە من مەگۆڕێ...
خۆ دڵپاکی گێژی نییە،
پەروەردەییەکی جوان و...
دوا پلەی مرۆڤ بوونە.
لێم دامەمێنە، من خۆتم
مرۆڤ چۆن دڵی لە خۆی دەڕەنجێ؟
مەمتارێنە و بێ خەتا...
حەواڵەی دۆزەخی، بێ خۆتم، مەکە
من کەی تەوارێکی هێندە بە فیزو...
بەرز فڕ بوومە؟
ئەگەر وانیە بۆ لەو بەرزییەوە بەو خێراییە،
کەوتم بەسەر تۆی هەڵۆداو...
وەک فیشەکێکی گەرم، بزر بووم لەو ئەرزەدا،
لە گۆشت و... گیانتدا،
ئێستا بڵێ:
من، شام بەخۆ دێ؟
ئەگەر وابوو، چۆنم کردیتە ناسنامە
بۆ وجودم؟
ئەگەر لەدواساتی تەمەنیشما بم،
هێشتان ئێژم،
دەستم بە خۆشنودی ڕاگەیشتووە،
مادام لە باوەشت گرتمەوە...
دەمزانی بۆت ناکرێ،
لە قوڵاییم خۆت بدزیتەوە،
ئاخر هەر لە زوودا،
وەک حەبێکی ئازار شکێن لەگەڵ قومێ ئاوا تۆم خواردەوەو
ئیدی بۆ هەمیشە لە خۆمدا جێم کردیتەوە.
گڵاڵەکردنی ئەم بابەتە:
#زاناکوردستانی
